السلام عليكم ورحمة الله وبركاته
كيفكم اخباركم ان شالله تمااام
المهم
الجوال ( مستودع الأسرار )!!
صار الجوال جزء لايتجزاء من حياتنا اليوميه مانطلع إلا بالجوال ومانقعد ولا ننام إلا مع الجوال ،،،
غير عن أهميته المعروفه إنه جهاز إتصال
صار يحوي أشياء كثيره منها المسجات والوسائط النغمات والشعارات و الصور و و ...!!
الجوال مثل السكرتيره
اللي تذكرنا بالمواعيد والساعات متى علينا و متى ما علينا ؟؟
والتقويم اللي دايم مانحط فيه التواريخ المهمه :إمتحانات ، مستشفى ، إجازة ، يوم ميلاد..:
والمنبه ( أهم شي المنبه )
اللي لي رن الصبح وقت الدوام .. نحط على غفوه وهالغفوه 10 دقايق
الملاحظ إن فئه عمريه معينه من سن الـ 18 إلى 25 أو 30 سنه
يرفضون أي شخص يمد يده ويمسك جواله
ودايماََ مايقولون
( لحد يتعبث في جوالي ) !!
هالجمله البسيطه تحوي معاني كثيره (ممكن تفسرونها )
ليش مانرضى أحد يفتش أو :يتعبث: في الجوال ؟؟
هل هو الحرص عليه !!
ولا من زوود المحبه !!
ولا فيه شي خطيـــــــــر مانبي حد يشوف
هل لهالدرجه جوالك خطير ماتخلي حد يقرا مسجاتك
ويشوف قائمة الأسماء اللي بجوالك
ولا يسمع النغمات اللي منزلها ولا يشوف كم فيديو إستعراض
ولا فيديو كليب<<وهذا اللي مادري ليش يحطونه !!
الأسئله كثيره والتساؤلات أكثر حول هالموضوع
ماودي أطول عليكم بس أخليكم تفكرون وتجاوبون .......؟؟!!
و هل هو ضروري نقفل الجوال برقم سري و لماذا ؟؟
